WALLENSES

WALLENSES

aliis Wallones et Romani. Cum Germaniae populi provincias Imperii Romani in Occidentis partibus, nimirum Galliam, Hispaniam, Britanniam, africam, atque Italiam, armis occupavissent, provinciales quidem priscum nomen suum retinuêre, ac modo suae quisque nationis propriô vocabulô, modô, idque saepius, in commune Romani sunt appellati: novi autem possessores et domim Germani, honoris causâ, dicti sunt Barbari. Unde in priscis Legibus et Historiis item apud Gregorium Turonens. et Fortunatum Barbaros ac romanos iunctim onminari et alteros alteris opponi constat. Hinc et Galliae partem, quae Odoni, Francorum Regi parebat, Franciam Romanam, i. e. Nenstriam vel Franciam, Gallicâ linguâ utentem luitprandus, l. 1. vocat, ut eam a Francia Germanica, sive ab Austrasia Lothariive regno et Germania distinguat. Et Nithardus, l. 3. Romanam linguam Teudiscae opponit. Brabantia itidem Romana Divo dicta est, Gallorum linguâ utens, le Wallon Brabant, et promiscue le Roman pays, Divaeus, Rerum Brabant. l. 7. Equestres ad lacum Lemanum, Cabllenses vulgo dicti et confines iis Vallenses, i. e. Sedunensis et Lausannensis Dioecesium partes, quae Gallicâ linguâ utuntur, vulgo Pays Roman nuncupantur. Rhaeti etiam Curienses. portio quoudam Imperii Romni, se Romanos dicunt, et fabulosa Roemata Romans Gallis vocantur, quod sunt linguâ Romanâ, i. e. Gallicâ composita: Hos Romanos Germani, qui in illorum agris finibusque consedâre, linguâ suâ Wallenses, vel Wallanos nuncupavêre: unde Giraldus Cambrensis scribit, in descript. Cambriae, l. 1. et 7. hanc Britanniae partem, post occupatum Britannicum regnum, dictam esse Walliam, a Saxonibus, linguâ suâ extraneum quemlibet Wallum appellare solitis: et Guillimannus, l. 2. rer. Helvet. in Comitatu Sisgoviae, agri Basiliensis, oppidum Valenburgum, interpretatur Burgum Romanorum. Hodieque Germanis Sclavisque communiter Itali Walchen appellantur. Hinc et Walachia dicta, quod Romanos seu Italos incolas habuerit: Ita ergo Belgae, qui linguâ Gallicâ utuntur, Germanis finitimi, Walen his, Gallis morem Germanorum sequentibus Wallons, vel Ouallons appellantur. Horum in Gallia Belgica tres sunt provinciae, Atrebates, Flandria Wallensis, et Hainoum, qui in commune pagus Wallensis, pays Walon vocantur: non sic tamen vocantur Sapaudia, Sedunensis, et Lausannensis dioeceseon portio, Burgundia Iurensis vel Sequanorum, Lotharingia, Luciloburgensis Ducatus et Leodicensis dioecesis ac pars Brabantiae supradicta, licet et ipsae linguâ Romanâ vel Gallicâ simliter etiamnum utuntur, quamvis corruptâ. Duo tandem in Lotharingia fluvii Nidae sunt, quorum alter alterum in Sarvum defert: Horum alter Nida Teutonicus, die Teutsche Nide; alter Romanicus vel Wallonicus, die Welsche dicitur, ab accolis German. et Romauâ seu Gallicâ linguâ utentibus. Hadr. Vales. Notit. Gall.